"Simme 'e Napule, Paisà" è una canzone napoletana del
1944. Il testo della canzone, scritto da Peppino
Fiorelli, racconta di un giro in carrozzella di una
coppia di sposi per rivedere Napoli subito dopo la fine
della seconda guerra mondiale, con la voglia di
rinascita e di dimenticare gli eventi della guerra. La
musica della canzone, composta da Nicola Valente, è
basata su un tradizionale ritmo di tarantella.
LYRICS Tarantella, facennoce 'e cunte,
nun vale cchiù a niente
'o ppassato a penzá.
Quanno nun ce stanno 'e tramme,
na carrozza è sempe pronta
n'ata a ll'angolo sta giá.
Caccia oje nénna 'o crespo giallo,
miette 'a vesta cchiù carella,
cu na rosa 'int''e capille,
saje che 'mmidia 'ncuoll' a me.
Tarantella, facènnoce 'e cunte,
nun vale cchiù a niente
'o ppeccomme e 'o ppecché.
Basta ca ce sta 'o sole,
ca c'è rimasto 'o mare,
na nénna a core a core,
na canzone pe' cantá.
Chi ha avuto, ha avuto, ha avuto,
chi ha dato, ha dato, ha dato,
scurdámmoce 'o ppassato,
simmo 'e Napule paisá!.
Tarantella, stu munno è na rota
chi saglie 'a sagliuta,
chi sta pe' cadé!
Dice buono 'o mutto antico
ccá se scontano 'e peccate,
ogge a te...dimane a me!
Io, nu poco fatto a vino,
penzo ô mmale e penzo ô bbene,
ma 'sta vocca curallina
cerca 'a mia pe' s''a vasá!
Tarantella, si 'o munno è na rota,
pigliammo 'o minuto
che sta pe' passá.
Basta ca ce sta 'o sole...
Tarantella, 'o cucchiere è n'amico,
nun 'ngarra cchiù 'o vico
addó mm'ha da purtá.
Mo redenno e mo cantanno,
s'è scurdato 'o coprifuoco,
vò' surtanto cammená.
Quanno sta a Santa Lucia,
"Signurí', - nce dice a nuje -
ccá nce steva 'a casa mia,
só' rimasto surtant'i'..."
E chiagnenno, chiagnenno, s'avvía...
ma po', 'a nustalgía,
fa priesto a ferní.
Basta ca ce sta 'o sole...
0
comment
You are not connected, choose one of two options to submit your comment